كله يدخل كله يشوف
بدنا نحكي عالمكشوف
لا بدنا نخاف مبارك
ولا عبدالله ولا بوش
ولا حتي غوربتشوف
بدنا انشوف قمة عربية
برعاية امريكية
والقرارات المهمة
بتعرفوا ايش القرارات
بسم الله اجتمعنا
وبأمر امريكا انهينا
وقراراتنا اتخذنا
ونتلوا عليكم اهمها:
لقد اتفقنا وصممنا
على ان لا نتفق
وعلى ما يجري للعرب
ابدا لا نلتفت
و اياكم ان تخالفوا امريكا
وللا كراسيكم من تحتكم
بتنسحب
وجارتنا الحنونة
والدرة المكنونة
اسرائيل انطبع معها
وانصير كلنا حبايب واياها
اما فلسطين
امرها بسيط وهين
للسلطة اشوية دولارات
ويتتوزع عالوزارات
وللشعب اشوية اطحين
وهيك بنكون بواجبهم قايمين
وللقضية خادمين
وما حد بقدر الومنا
ولا يقول انتو فين
اما العراق....
ففخار اكسر بعضه
وحربهم احنا مو قدوا
ولا بدكم امريكا
توقف كل واحد منا على حده
اسمعوا واعطوها طناش
وقولوا احنا مسمعناش
ولا شفناش
الناس اللي بتتقتل
والنساء اللي بتترمل
والبيوت اللي بتتهدم
واللي بدوا ادمر حاله
بالعراق ادخل حاله
والمسجد الاقصى سيبوه
ولليهود اتركوه
اخرتهم رح يعفوا عنه
واللي بخالفنا منكم
تراه خارج عن الصف العربي
ولمطالبنا مش ملبي
والكل بيغضب عليه
ويمكن امريكا واسرائيل
يتهموه انه عنده كيماوي
وانه اكبر ارهابي
وبمساعدتنا يهجموا عليه
يدمروا بلده ويأسروه
ويحاكموا ويشنقوه
ويروح الحكم عليه
في النهاية
نأمل انه الكل يلتزم
ويتمسك بالقرارات
وختمت الجلسة برضى امريكا عنا
واسرئيل وجهت شكرها النا
على اخلاصنا وتفانينا
في الحرص عليها وخدمتها
والله على ما نقول شهيد
مع تحياتي للجميع
